Bayan Ko

I. Pamagat ng Tula

- Bayan Ko

 

II. Paksa ng Tula

- Ang tulang “Bayan Ko” ay nagpapakita ng pagkamakabayan ng mga Pilipino sa gitna ng kaguluhan. Kahit madami ang kanilang hinaharap, kahit nakasalalay ang kanilang kalayaan sa mga dayuhan, sila ay hindi titigil hangga’t hindi natutupad ang nais nila na maging malaya.  Kahit ano pa man ang mangyari, ang loyalidad ng mga Pilipino sa bansa ay hindi mapapantayan ng sino man.

III. Simbolismong Ginamit

Ginto’t Bulaklak – Kayamanan ng ating Bansa

Ibon – Kalayaan

Kulungan – Mananakop na pinipigilan ang mga kultura ng ating bansa

Pugad – Ang ating bansa, kung saan narararapat ang Kalayaan

 

IV. Mensahe ng Tula

-         - Ang ating pagmamahal sa bayan ay hindi dapat magbago kailangan man.

o   Nakakamangha ang patriotismo mga Pilipino noong panahon na nasakop tayo ng iba’t ibang dayuhan. Kahit tayo ay tinuring na mas mababang nilalang, itinuloy parin ng ating mga kabababayan ang laban upang maging malaya ang mga henerasyon na susunod sa kanila. Sa pamamagitan ng kanilang tapang at pagkamakabayan, kanilang natupad ang pangarap na maging malaya ang Pilipinas bilang isang bansa na hindi nakapailalim sa kahit anong dayuhan.

o   Hindi masama ang pakikisama sa kultura ng ibang bansa, ngunit kung ito ay mas binibigyang importansya kaisa sa sarili nating kultura, ito ay matatawag na hadlang sa pagbibigay ng galang sa ating kultura. Bilang Pilipino, dapat nating unahin ang pagsunod at pag-iingat ng ating kultura sa pamamagitan ng pagsasanay at pag-diwang ng mga pagsisikap ng ating mga ninuno.

-         - Ipinakita ng tula ang kagandahan ng ating bansa

o   Kahit dati pa, mapapansin natin na madaming mga dayuhang bansa ang nagnanais na sakupin ang ating lupain o bansa. Dahil ito sa kagandahan ng lokasyon at mga yaman na makikita sa ating mga lupain at sa mga mineral sa ilalim ng lupa. Isa pa ito sa mga rason na dapat nating ingatan ang yaman at napaka-gandang lupain na ibinigay sa atin ng Diyos upang alagaan ito. Isipin din natin na kung hindi natin ito ingatan, paano ang mga susunod na henerasyon mabubuhay sa kondisyon na ganito?

Kongklusyon

- Ang tulang “Bayan Ko” ay tumutukoy sa pagmamahal ng isang makabayan na makata na nabuhay sa panahon ng pagkakasakop. Inihahandog niya ang kaniyang pagmamahal sa bayan sa pamamagitan ng pag-gawa ng tulang ito. Upang maging malaya ang ating bansa, atin dapat bigyang diin ang pagpapahalaga sa pagiging makabayan. Katulad ng ating mga kabababayan noon, tayo ay may responsibilidad na bigyang halaga ang pangalan ng ating bansa at ng ating lahi. Kung ito ay ating ibabaliwala lamang, ang Kalayaan na pinaghirapan ng ating mga ninuno ay masasasayang lamang sa pagsakop ng ibang kultura at bansa.