Panimula:

Sa panahon natin ngayon, madami ang mga problema na ating hinaharap sa araw-araw. Mula sa kahirapan hanggang sa paghina ng pagkamakabayan ng ating mga kabataan. Ito ay ilan lamang sa mga problema na patuloy na sumisira sa bayan na pinaghirapan ng ating mga ninuno upang ating ingatan. Ang mga tula ni Jose Corazon de Jesus, kilala din bilang “Huseng Batute”, ay naglalaman ng mga natatagong yaman na ating magagamit sa ating pamumuhay.  Sa pamamagitan ng pagbasa sa mga tula at iba pang mga gawa ni Ginoong Jose Corazon de Jesus, ating matututunan ang mga aralin na nakatago sa mga textong ng kaniyang mga gawa. Kahit bata man o matanda, lahat tayo ay may mapupulot na aral sa mahusay na mga gawa ni Ginoong Jose Corazon de Jesus.

Ang blog na ito ay mag-tutuon sa mga itsabihin ng mga tula ni Jose Corazon de Jesus. Upang mas mabigyan ng ilaw ang mga aralin ng mga tula, aking tatalakayin ang limang tula na hindi natalakay sa ating mga leksyon at aralin sa FOP|01. Ito ay "Ang Pamana", "Ang Magandang Parol", "Itanong Mo sa Bituin", "Kahit Saan", at "Ang Imperyalismo".